होम आइसोलेसनमा बस्न बेग्लै मापदण्ड: यी हुन अनिवार्य पालना गर्नुपर्ने नियम

काठमाडौं । होम आइसोलेसनमा बस्न चाहने कोरोना सं*क्रमितका लागि सरकारले मापदण्ड तोकेको छ । सं*क्रमित व्यक्ति घरमै आइसोलेसनमा बस्न चाहेमा उसले पालना गर्नुपर्ने मापदण्डहरु स्वास्थ्य तथा जनसंख्या मन्त्रालयले सार्वजनिक गरेको हो ।

मन्त्रालयका अनुसार होम आइसोलेसनमा सं*क्रमितले पर्याप्त प्रकाश आउने र हावा खेल्ने छुट्टै कोठामा बस्नुपर्ने, उपचार अवधिभरी आवश्यक पर्ने सामानहरु परिवारका सदस्यहरुसँग मगाउने, पर्याप्त मात्रामा पानी, झोलयुक्त र पोसिलो खानेकुरा खानुपर्ने यस्तै, आफूले प्रयोग गरेका भाँडाहरु सुरक्षित रुपमा सफा गरेर राम्रोसँग सुकेपछि मात्रै पुनः प्रयाग गर्नुपर्ने, स्नानघर वा शौचालयको छुट्टै व्यवस्था मिलाउनुपर्ने लगायतका नियम पालना गर्नुपर्ने स्वास्थ्य तथा जनसंख्या मन्त्रालयले जनाएको छ ।

यस्तै सामूहिक रुपमा शौचालयको प्रयोग गर्नुपर्ने अवस्थामा सं*क्रमितले प्रयोग गरेपछि राम्रोसँग डिसइन्फेक्सन गरेर मात्रै अरुले प्रयोग गर्नुपर्ने मापदण्ड तोकिएको छ ।

सं*क्रमितको हेरचाहमा गर्नेले अनिवार्य मेडिकल मास्क प्रयोग गर्नुपर्ने छ । दिर्घ रो*गी, ६० वर्षमाथिका ज्येष्ठ नागरिक, गर्भवती र सुत्केरी महिलालाई टाढा राख्नुपर्ने मापदण्ड तोकिएको छ ।

यस्तै दिनमा तीन पटक ज्वरो जाँच गरी रेकर्ड राख्ने र सम्बन्धित स्वास्थ्यकर्मीलाई जानकारी गराउनुपर्ने छ । स*ङ्क्रमितलाई स्वास प्रस्वासमा कठिनाइ भएमा, छाती दुखेमा, ओठ अनुहार नीलो भएमा, होस हराएमा र अन्य जटिल अवस्था देखिएमा तत्काल स्वास्थ्यकर्मीलाई जानकारी गराउन पनि आग्रह गरिएको छ । – इमेज खबर ।

Leave a Reply

Your email address will not be published. Required fields are marked *