Butwal Sandesh

Best Nepali Online Newspaper

आ*लोचकहरुको मु*ख बन्द हुनेगरि आचल र उदिप लागे सामाजिक काममा

Spread the love

काठमाडौं । हालै विवाह बन्धनमा बाँधिएकी नायिका आँचल शर्माले राहत वितरण गरेकी छन् । कोरोनाभाइरस संक्रमण फैलिन नदिन सरकारले गरेको लकडाउनका कारण समस्यामा परेकाहरुलाई उनले राहत वितरण गरेकी हुन् । पति डा. उदीप श्रेष्ठको साथमा काठमाडौंको क्षेत्रपाटीस्थित एक सय घरलाई राहत प्रदान गरेको नायिका आँचलले जानकारी दिइन् । लकडाउनका समस्यामा परेकाहरु करिब एक सय घरलाई खाद्यन्न प्रदान गरेको उनले बताइन् ।

सरकारले गत चैत ११ गतेदेखि लकडाउन गरेपछि दैनिक मजदुरी गरेर जीवनयापन गर्दै आएकाहरु समस्यामा परेका छन् । केही कलाकारहरुले राहत वितरण गरिरहेका छन् । यसअघि नायक पल शाह, नायिकाद्वय पूजा शर्मा र करिष्मा मानन्धरले पनि राहत वितरण गरेका छन् । साथै हाँस्यकलाकार किरण केसीले पनि राहत प्रदान गरेका छन् ।

त्यस्तै गरि कोभिड–१९ को म*हामारीसँगै लकडाउन जारी रहेको अवस्थामा यहाँको एक संस्थाले भोका विपन्न मजदूरका लागि निःशुल्क भोजन सेवा उपलब्ध गराएको छ । पोखरा महानगरपालिका वडा नं ७ मासवारमा महानगर र पौरखी स्वयंसेवी समूहको समन्वयमा भोका मजदूर वर्गलाई तत्तत् स्थानमा पुगी भोजन वितरण गर्दै आएको हो । शनिबारदेखि खाना बनाएर प्राप्त सूचनाका आधारमा खाना सेट प्याकिङ गरी सम्बन्धित ठाउँमा पु¥याएर विपन्न तथा मजदूर एवं असहायलाई पेटभर्ने काम गरिएको समूहका सदस्य विश्वप्रकाश लामिछानेले जानकारी दिनुभयो ।

“खानै नपाएर कोही पनि भोको पेट बस्नु नपरोस् भनेर हामीले यो अभियान थालेका हौँ”, उहाँले भन्नुभयो, “दाताहरुबाट खाद्यान्न लिएर मासवारस्थित शान्ति नगर बैक्यूट पार्टी प्यालेसमा खाना सेट तयार गरि मजदूर तथा असहायका कोठमा पु¥याउने गरेका छौँ ।”

कोरोना भाइरस नियन्त्रणका लागि मुलुकमा शुरु भएको लकडाउनका कारण हातमुख जोर्न नपाएका व्यक्ति वा परिवारको पेट भर्न पाउँदा सन्तोष मिलेको बताउँदै उहाँले दाल, भात, तरकारी र चटनीसहितको प्याकेट तयार गरी गाडीमा राखेर सम्बन्धित स्थानमा पु¥याउने गरेको बताउनुभयो ।

समूहमा आबद्ध २० जना सदस्यले प्रतिव्यक्ति खर्चबाट दैनिक ज्यालादारी गरी जीविकोपार्जन गर्दै आएका परिवारलाई बिहान र बेलुका खानाको व्यवस्था गर्दै आएको बताउँदै लामिछानेले भन्नुभयो, “अहिले भने सहयोगी मन दिनप्रतिदिन बढ्दै गएका कारण भोका पेटलाई भर्न हौसला मिलेको छ ।” वैशाख ६ गते शनिबारदेखि सञ्चालन गरिएको समाजका विपन्न एवं मजदूरी गरी जीवनयापन गर्दै आएको परिवारमा सबैभन्दा बालबालिका र वृद्धवृद्धाहरु अप्ठेरोमा परेको संस्थाका अर्का सदस्य जनक पराजुलीले राससलाई जानकारी दिनुभयो ।

उहाँका अनुसार पोखराको रामघाट, चाउथे, जनप्रिय, चिप्लेढुङ्गालगायतका विभिन्न स्थानबाट आएको मागका अनुसार संस्थाले खानाका प्याकेट पु¥याउँदै आएको हो । संस्थाले शुरुका दिनमा १९७ र दोस्रो दिन ८०० जनालाई हातहातमा खानाको सेटसहितको प्याकेटको प्रबन्ध गरेको छ । आज तेस्रो दिन बिहान मात्र ६५२ जनालाई खानाको व्यवस्था गरिएको थियो । जसमा १०० जनालाई दिदी बहिनी संस्था कास्कीले एक हप्तासम्म एक छाक खानाको जिम्मा लिएको छ ।

शान्ति नगर बैक्यूटका आवश्यक सामग्री र जनशक्तिलाई समेत परिचालन गरिएको बताउँदै उहाँले भन्नुभयो, “स्थानीय जनप्रतिनिधिको समन्वयमा बिहान ९ देखि ११ बजे र साँझ ७ बजेभित्र सबै स्थानमा खाना पुग्दछ ।” पौरखी स्वयंसेवी समूहका सदस्य विष्णुप्रसाद बरालका अनुसार समूहमा आबद्ध सदस्यहरुका यातायातका साधन प्रयोग गर्नका लागि जिल्ला प्रशासन कार्यालय कास्कीबाट खाना ढुवानी प्रयोजनका लागि पास लिइएको छ ।

उहाँका अनुसार भान्छादेखि असहाय एवं मजदूर वर्गको हातमा खानाको प्याकेट पुग्ने अवस्थासम्म कोरोना भाइरस सङ्क्रमणको जोखिमलाई मध्यनजर गरी सम्पूर्ण सतर्कता अपनाइएको छ । यस पुण्य कार्यमा जनप्रतिनिधि एवं सामाजिक व्यक्तिहरुको सहयोग रहेको उल्लेख गर्दै उहाँले कतिपय त खबर आउनेबित्तिकै सेवक साथहरु मोटरसाइकलमा खानाको प्याकेट लिएर सडकमै रहेका असहाय व्यक्तिलाई खाना खुवाउने गरेको बताउनुभयो ।

महानगरले पहिलो चरणको राहत वितरणमा जनप्रतिनिधिलाई परिचालन गरे पनि कतिपय स्थानमा नुन र तेलका पोकालाई भाग लगाउने र गुणस्तरहीन चामल पुगेको गुनासो आइरहेको वर्तमान अवस्थामा तयारी खानाका प्याकेट हातहातमा पुग्दा वास्तविक पीडितले राहतको महसुस गरेका छन् ।

गण्डकी प्रदेशका मुख्यमन्त्री पृथ्वीसुब्बा गुरुङ, महानगर प्रमुख मानबहादुर जिसी, सञ्चारकर्मीसहितको टोलीले आइतबार समूहले सञ्चालन गरेको भान्छासहितको सेवा प्रवाहका बारेमा स्थलगत निरीक्षण गरी जानकारी लिएको थियो । रासस

Leave a Reply

Your email address will not be published. Required fields are marked *