Butwal Sandesh

Best Nepali Online Newspaper

आफ्नो जन्मेको देश नेपाललाई नदिइ शेष घलेले किन दिए अष्ट्रेलियामा १२ करोड २३ लाख सहयोग?

Spread the love

काठमाडौ । विश्वका धनीको सूचीमा रहेपछि नेपालका लागि सहयोग नगरेको आलोचना भइरहेका बेला अष्ट्रेलियामा बस्ने नेपाली शेष घलेले उल्टै अष्ट्रेलियाकै लागि १२ करोड २३ लाख सहयोगको घोषणा गरेका छन् । उनले १० लाख अमेरिकी डलर अर्थात आजको डलरभाउ अनुसार १२ करोड २३ लाख सहयोग दिने घोषणा गरेका हुन् । उनले मेलवर्न इन्सिच्युट अफ टेक्नोलोजी (एमआइटी) मा अध्ययनरत अन्तर्राष्ट्रिय विद्यार्थीका लागि १० लाख डलरको सहयोग कोष घोषणा गरेका हुन्।

सिड्नी र मेलवर्नको एमआइटीमा अध्ययनरत अन्तर्राष्ट्रिय विद्यार्थीका लागि उनले सो कोषको घोषणा गरेका हुन्। यद्यपी यो कोषको रकम घलेको एमआइटी कलेजमा पढ्ने नेपाली लगायत सम्पुर्ण विदेशी विद्यार्थीका लागि राहतस्वरुप उपलव्ध हुनेछ। करिब चार हजार विद्यार्थी घलेको एमआइटीमा अध्ययनरत छन्। फेडरेसन विश्वविद्यालयअन्तर्गत अध्यापन हुने एमआइटीमा कम्तीमा पाँच सय नेपाली विद्यार्थी रहेको अनुमान छ ।

यता दक्षिण कोरियामा स ङ्क्रमणको दर उल्लेख्य रूपमा घटेपछि सरकारले भेला र जमघटमा लगाइएका प्रतिबन्धहरू फुकुवा गर्ने घोषणा गरेको छ । विगत २४ घण्टामा केवल आठ व्यक्तिमा कोरोनाभाइरस स ङ्क्रमण देखिएको कोरियाली स्वास्थ्य मन्त्रालयद्वारा उपलब्ध गराएको विवरणमा जनाइएको छ ।

दक्षिण कोरियामा दुई महिनायता स ङ्क्रमितको सङ्ख्या एकोहोरो अङ्कमा मात्रै थपिएको यो पहिलो पटक हो । आइतबार थप सङ्क्रमित आठ व्यक्तिमध्ये पाँच जना विदेशबाट फर्किएका व्यक्ति भएको बताइएको छ । त्यहाँ स ङ्क्रमितको सङ्ख्या १० हजार ७०० पुगेको छ भने २३४ जनाले कोरोनाभाइरसका कारण ज्या न गुमाएका छन् ।

कुनै बेला चीनपछि एशियामा सर्वाधिक स ङ्क्रमण फैलिएको दक्षिण कोरियाले लकडाउन नलगाईकनै कोभिड–१९ महामारी उल्लेखनीय रूपमा नियन्त्रणमा राख्न सफल भएको छ । कोरोनाभाइरस प्रकोप नियन्त्रणमा ल्याउन दक्षिण कोरियाले सम्भावित स ङ्क्रमित व्यक्तिको परीक्षण र पहिचान गर्न उपायहरू व्यापक रूपमा अवलम्बन गरेको थियो ।

राष्ट्रपति मुन जाए–इनले आफ्नो देशले कोरोनाभाइरस नियन्त्रणका लागि गरेको प्रगतिले कोभिड–१९ लाई परास्त गर्न सकिने आशा विश्वका अन्य भागमा पनि दिने बताउनुभएको छ । दक्षिण कोरियाली गिर्जाघर, मदिरालय र व्यायामशालाहरू सरकारले भेला र जमघटमा लगाइएका प्रतिबन्धहरू फुकुवा गर्ने घोषणा गरेसँगै खुल्नेछन् । तर तिनले आगामी महिनाको आरम्भसम्म व्यक्तिगत दूरीसम्बन्धी नियम पालना गर्नुपर्नेछ ।

यसअघि कोरोनाभाइरस नियन्त्रण र रोकथामका लागि उदाहरणीय काम गरेको भन्दै प्रशंसा पाएको दक्षिण कोरियाले एप्रिल ४ तारिखमा दुई साताका लागि सामाजिक दूरी कायम गर्ने समयसीमा थपेको थियो । उक्त अवधि आइतवार सकिएको छ । व्यक्तिगत दूरी कायम गर्नका लागि दक्षिण कोरियालीहरूलाई सार्वजनिक स्थलमा एकअर्काभन्दा दुई मिटर पर उभिन सुझाव दिइएको छ ।

एक महिनाका लागि बन्द गरिएका विद्यालयहरूले अनलाइनमार्फत् पढाउन थालिसकेका छन् । तत्काल विद्यालय तथा कलेजहरू खोल्ने सम्बन्धमा कुनै निर्णय गरिएको छैन । रासस

Leave a Reply

Your email address will not be published. Required fields are marked *